Ku bufatanye bw'ubyiruko rw'abakorerabushake na ba Mutimawurugo mu mudugudu wa Nyabisindu, umurenge wa Busasamana, Akagari ka Rwesero, Umudugudu wa Nyabisindu  habaye ibikorwa bitandukanye byo gufata mu mugongo no guhumuriza bamwe mu bacitse ku icumu rya Jenoside yakorewe Abatutsi mu  1994. 

Bimwe mu bikorwa byakozwe harimo guhingano gutunganya imirima y'igikoni ku miryango 12 y'ababyeyi barokotse Jenoside yakorewe Abatutsi, gukora isuku mu ngo zitandukanye no gutunganya inzira z'imigenderano zihuza imiryango ituye muri uyu Mudugudu.

Nyuma y'ibikorwa hatanzwe ubutumwa bujyanye n'amateka ya Jenoside yakorewe Abatutsi ndetse no kwibuka mu gihe cy'iminsi 100. Ubutumwa bwatanzwe n'Umuhuzabikorwa w'Inama y'Igihugu y'abagore mu murenge wa Busasamana Madame Uwamahiro Angelique na n’Umupolisi ushinzwe guhuza  abaturage na Polisi mu Karere IP Godefrey Gakwandi. 

Urubyiruko rwibukijwe ko rugomba gukomeza kwibuka biyubaka no gutangira amakuru ku gihe ku bijyanye n'ingengabitekerezo ya Jenoside, gupfobya ndetse no guhakana Jenoside.

Bateye imboga mu rwego mu rwego rwo kwifatanya n'abarokotse jenoside yakorewe Abatutsi mu 1994

Urubyiruko rw'abakorerabushake rwafashe mu mugongo abo mu mudugugu wa nyabisindu