Kuri uyu wa Gatatu tariki ya 1 Gicurasi 2019, kimwe n'ahandi hose mu Gihugu mu Karere ka Nyanza hizihijwe umunsi mpuzamahanga w'umurimo aho abakozi bose guhera mu tugari kugeza ku Karere bazindukiye muri siporo mu rwego rwo gutunga amagara mazima bakaba bakoze mucaka, bakina umupira w'amaguru umupira w'intoki (basketball) ndetse n'indi mikino.

Nyuma ya saa sita habayeho ubusabane hanatorwa abakozi b'indashyikirwa. Ku rwego rw'Akarere yabaye Mugeni Pauline ushinzwe Imicungire y’abakozi (HR), ku rw'Umurenge yabaye Ngabonzima Donat ushinzwe imari n'imicungire y'abakozi mu Murenge wa Kibilizi naho ku rw'Akagari ni Haganzineza Raphael, ushinzwe iterambere n’imibereho myiza mu kagari ka Kiruli mu Murenge wa Mukingo.