Tariki 20 Werurwe 2023, Umuyobozi w'Akarere ka Nyanza Bwana Ntazinda Erasme ari kumwe n'Umuyobozi w'Ishami ry'igenamigambi mu Karere bifatanyije n'Ubuyobozi, abarezi n'abanyeshuri b'Ishuri rya Collège du Christ Roi Nyanza kwizihiza Umunsi Mpuzamahaga wa Francophonie wizihizwa buri  mwaka tariki 20 Werurwe. Ni ibirori byaranzwe mpaka, imivugo, udukino n'ubuvumbuzi byakozwe n'abanyeshuri mu rurimi rw'igifaransa.

Mu ijambo rye, Umuyobozi w'Akarere yashimiye Christ Roi ko yafashije Akarere kwizihiza uyu munsi cyane ko Nyanza iba mu ihuriro ry'imijyi n'uturere bikoresha igifaransa. Yasabye abanyeshuri gushyira imbaraga muri uru rurimi kuko uko umuntu amenya ururimo rushya aba ari amahirwe yungutse. Yabakanguriye gukomeza gukunda igifaransa na cyo kikaba mu ndi mi bashishikarira kumenya.