Kuri uyu wa gatanu tariki ya 12 Mata 2019 ku cyicaro cy'Akarere hibutswe abari abakozi b'amakomini yahujwe akaba Akarere ka Nyanza bishwe muri jenoside yakorewe Abatutsi mu 1994. Umushyitsi mukuru yari Umuyobozi w'Akarere Ntazinda Erasme.

Hari kandi Umuyobozi w'Akarere wungirije ushinzwe ubukungu Kajyambere Patrick, Umuyobozi w'Akarere wungirije ushinzwe imibereho myiza Umutesi Solange, abahagarariye inzego z’umutekano ,umuyobozi wa ibuka mu Karere Kabagamba Canisius, abafatanyabikorwa,abajyanama, abafite imiryango yakoreraga amakomini yabaye Akarere Nyanza yishwe muri jenoside n'abakozi b'Akarere ka Nyanza.

                                                             Abayobozi bari bitabiriye uyu muhango

Ubutumwa bwatanzwe muri uyu muhango  bwagarukaga ku bubi bwa jenoside, kurwanya ingengabitekerezo ya jenoside, kwimakaza ubumwe n'ubwiyunge, gufata mu mugongo abacitse ku icumu, gushimira ingabo zari iza FPR-Inkotanyi na Leta y'ubumwe bw'Abanyarwanda ndetse no kwibuka twiyubaka.