Mu rwego rw'ubukangurambaga bugamije kumenyekanisha umushinga wa "Green Amayaga", tariki ya 3 Gashyantare, mu cyumba cy'Inama cy'Akarere ka Nyanza habereye inama yo gutegura amarushanwa azahuza imirenge uyu mushinga ukoreramo. Hakazaba amarushanwa mu mupira w'amaguru azahuza imirenge 20 harimo 6 yo mu Karere ka Nyanza, 6 yo muri Gisagara, 4 yo muri Ruhango na 4 yo muri Kamonyi.

Hazabaho kandi amarushanwa mu ndirimbo n'imbyino azitabirwa n'abanyeshuri baturutse muri bimwe mu bigo by'amashuri biri mu mirenge umushinga ukoreramo. Ni igikorwa kizaba ku bufatanye bw'Uturere uyu mushinga ukoreramo na REMA na  APEFA.

 Green amayaga ni umushinga mugari igihugu cy'u Rwanda cyashyizemo imbaraga ugamije kubungabunga ibidukikije n'urusobe rw' ibinyabuzima biherereye mu gice cya amayaga Intara y’Amajyepfo mu turere tune aritwo Gisagara, Nyanza, Kamonyi na Ruhango.

Muri uyu mushinga hibandwa ku gutera ibiti ku misozi ihanamye,  kubungabuna imigeze no kubungabunga ishyamba rya kimeza ry kibirizi mu Karere ka Nyanza. Aya marushanwa akaba agamije gukangurira abaturage kubungabunga ibikorwa by’uyu mushinga.

Green Amayaga ikorera mu mirenge itandatu yo mu Karere ka Nyanza

Green Amayaga ifasha abaturage kurwanya imirire mibi batera ibiti by'imbuto ziribwa