Tariki ya 07 Mata 2023, ku Rwibutso rwa Jenoside yakorewe Abatutsi mu 1994 rw'Akarere ka Nyanza habereye umuhango wo gutangiza icyunamo no Kwibuka ku nshuro ya 29 Jenoside yakorewe Abatutsi mu Rwanda mu 1994 ku rwego rw'Akarere ku nsanganyamatsiko igira iti: "Kwibuka twiyubaka". Ni gahunda yanabereye mu midugudu yose igize Akarere ka Nyanza.

Uyu muhango witabiriwe n'Umuyobozi w' Akarere Bwana Ntazinda Erasme ari nawe wari umushyitsi Mukuru akaba yari kumwe na Visi Perezida w'Inama w'Inama Njyanama y'Akarere Sheikh Ntawukuriryayo Ismael, Abagize Inama y'umutekano y'Akarere itaguye,  Perezida wa Ibuka mu Karere Bwana Niyonsaba Elidad, Perezidante wa  AVEGA mu Karere Madame Mukarutamu Immaculée, Ubuyobozi bw’Umurenge ndetse n' abaturage b'Imidugudu iri hafi y' Urwibutso.

Mu byaranze gahunda yo gutangiza icyumweru cy'icyunamo harimo Umunota wo kwibuka, Isengesho, kunamira no gushyira indabo aharuhukiye imibiri y' abishwe muri Jenoside yakorewe abatutsi mu 1994, Ijambo ry'Ikaze ryatanzwe n'Umunyamabanga Nshingwabikorwa w'Umurenge wa Busasamana, ikiganiro cyari gitegenyjwe uyu munsi kikaba cyaratanzwe n'umuyobzi w' Akarere ka Nyanza.

Humviswe kandi Ubuhamya bw'Uwarokotse Jenoside yakorewe abatutsi bwatanzwe na Bakinahe Narcisse warokokeye i Mwima, gahubnda isozwa no gucana urumuri rw'icyizere.  Uyu munsi ukaba warasojwe n'ijambo rya Nyakubahwa Perezida wa Repubulika abitabiriye bose bakurikiye kuri radio Rwanda.

Abagize Komite Nyobozi Biro y'inama Njyanama ndetse n'abakozi b'Akarere nabo bifatanyije n'abaturage mu mirenge itandukanye mu buryo bukurikira:

• Perezidante w'Inama Njyanama y'Akarere Madame Mukagatare Judith yifatanyije n'Umurenge wa Mukingo;
• Umunyamabanga w'Inama Njyanama Madame Umubyeyi Jeanne yifatanyije n'Umurenge wa Rwabicuma;
• Umuyobozi w'Akarere wungirije ushinzwe iterambere ry'ubukungu Bwana Kajyambere Patrick yifatanyije n'Umurenge wa Muyira;
• Umuyobozi w'Akarere wungirije ushinzwe imibereho myiza y'abaturage Madame Kayitesi Nadine yifatanyije n'Umurenge wa Kibirizi;
• Umunyamabanga Nshingwabikorwa w'Akarere w'Agateganyo Bwana Nsabimana Jean Christian yifatanyije n'Umurenge wa Kigoma;
• Mu murenge wa Cyabakamyi bifatanyije n'ushinzwe imirimo y'Inama Njyanama y'Akarere Bwana Gasore  Clement.

Twibuke Twiyubaka

Abitabiriye bafashe umunota wo kwibuka abazize Jenoside yakorewe Abatutsi mu 1994

Abayobozi barimo Visi Perezida w'Inama Njyama y'Akarere n'inzego z'umutekano bitabiriye uyu muhango

Bakinahe Narcisse warokokeye i Mwima yatanze ubuhamya ku nzira y'umusaraba yanyuzemo

Abaturage begereye urwibutso rwa Nyanza bari baje kwibuka ari benshi

Basuye imibiri y'abishwe muri Jenoside yakorewe Abatutsi iruhukiye mu Rwibutso rwa Nyanza

Urwibutso rwa Jenoside yakorewe Abatutsi rw'Akarere ka Nyanza