Kuri uyu wa kabiri tariki ya 23 Mata 2019 mu Murenge wa Rwabicuma Akagari ka Runga mu mudugudu wa Rugarama A hatangirijwe icyumweru cy'ubuzima ku rwego rw’Akarere. Umushyitsi mukuru yari Umuyobozi w'Akarere wungirije ushinzwe imibereho myiza y'abaturage Madame Umutesi Solange . Hari kandi Umuyobozi mukuru w'Ibitaro bya Nyanza Dr Ngiruwonsanga Pascal, Umuyobozi wa FXB mu Karere ka Nyanza,Umukozi wa RBC n’abandi bayobozi batandukanye ndetse n’abaturage .Hakozwe ibikorwa bitandukanye birimo gupima abana, gutanga vitamini, gutanga ibinini by'inzoka, kugaburira abana indyo yuzuye, gutanga amabati 34 y'ubwiherero ku batishoboye, gutanga inkoko 49 ku miryango ifite abana bari mu mirire mibi no gutanga indobo za fungura ukarabe ku miryango 33. Hatanzwe kandi ibiganiro bitandukanye ku bizibandwaho mu cyumweru cy'ubuzima.