Guhera tariki 29 kugeza 31, kuri Hotel Saint Andre Kabgayi habereye umwiherero w'iminsi 3 wahuje ubuyobozi bw'Akarere ka Nyanza n'abafatanyabikorwa mu iterambere (JADF) ku nsanganyamatsiko igira iti: "Igenamigambi rihuriweho, Umusingi w'iterambere." Muri uyu mwiherero, Mutemberezi Pascal ushinzwe kwandika imiryango itari iya Leta muri mu Kigo cy’Igihugu cy’Imiyoborere, RGB yatanze ikiganiro kuri sisitemu nshya ya "E-Imiryango"isafasha  abafatanyabikorwa no gutanga raporo.

Haganiriwe kandi ku mihigo y'Akarere ikiri inyuma, imbogamizi zirimo n'uburyo bwo kuzikemura ndetse hagaukwa kuri gahunda ihuriweho yo kurwanya imirire mibi n'igwingira mu bana. Babifashijwemo n’Umuyobozi w’Ishami ry’Igenamigambi mu Karer, bakoze igenamigambi rihuriweho ry'umwaka wa 2023-2024 mu matsinda atandukanye bitewe n’inkingi buri wese abarizwamo harimo imiyoborere myiza, ubukungu n'imibereho myiza.

Abitabiriye umwiherero baganiriye kuri gahunda ya Leta yo gufasha abaturage kuva mu bukene (National strategy for sustainable graduation) ndetse no gufasha urubyiruko muri gahunda zitandukanye zigamije iterambere n'imibereho myiza y'urubyiruko. Asoza uyu mwiherero, Umuyobozi w'Akarere wungirije ushinzwe iterambere ry'ubukungu yasabye buri wese kuzirikana ibyo azakora muri uyu mwaka ariko by'umwihariko gufatanya muri gahunda yo gufasha abaturage kwivana mu bukene.

Igenamigambi rihuriweho ni yo yari  insanganyamatsiko n'intego y'uyu mwiherero

Abafatanyabikorwa bose baritabiriye kandi biyemeza kwinjiza ibikorwa byabo mu by'Akarere

Perezida wa JADF Nyanza Gashonga Leonard afungura umwiherero ku mugaragaro

Bose biyemeje kurwanya igwingira n'imirire mibi mu bana bo mu Karere ka Nyanza