Ku bufatanye n'Urwego rw’Igihugu rushinzwe kugenzura iyubahirizwa ry’uburinganire bw’Abagore n’Abagabo mu Iterambere ry’Igihugu «GMO». Mu cyumba cy'inama cya GS Mater Dei Nyanza habereye inama mpuzabikorwa y’Akarere yitabiriwe n’abayobozi guhera ku mudugudu kugeza ku Karere ku nsanganyamatsiko iragira iti: "Uruhare rw'Inzego z'Ibanze mu Kwimakaza Ihame ry'Uburinganire no kurwanya Ihohoterwa rishingiye ku gitsina.”

Iyi Inama mpuzabikorwa ikaba yaritabiriwe na Guverineri w'Intara y'Amajyepfo Madame Kayitesi Alice, Umuvunyi Mukuru Nirere Madeleine, Umuyobozi wa GMO Madame Rwabuhihi Rose, Perezida w'Inama Njyanama y'Akarere, uhagarariye RGB, uhagarariye MIGEPROF, Umuhuzabikorwa w'Inama y'Igihugu y'abagore mu Karere, inzego z'umutekano, abafatanyabikorwa ba GMO n'ab'Akarere n'abandi.

Muri iya nama hagarutswe ku bikorwa kugira ngo uburinganire bwimakazwe ndetse hanarwanywe ihohoterwa rishingiye ku gitsina ndetse abayobozi bagize uruhare mu gutanga ibitekerezo bizashingirwa ho mu kuvugurura itegeko rigenga umuryango. Hakaba harahembwe imidugudu 5  itararanzwemo ibyaha n'inzego ntagarugero zirimo imidugu 3, Akagari 1 n'Umurenge mu buryo bukurikira:

Imidugudu itararanzwe mo ibyaha ni Gatunguru yo mu Kagari ka Nyanza, Umurenge wa Busasamana; Runyonza yo mu Kagari ka Masangano, Umurenge wa Busoro; Gitare yo mu Kagari ka Butantsinda, Umurenge wa Kigoma; Mweya yo mu Kagari ka Gahunga, umurenge wa Nyagisozi na Murambi yo mu Kagari ka Runga, Umurenge wa Rwabicuma.

Mu nzego Ntangarugero hahembwe imidugudu 3 Ntangarugero irimo Umudugudu wa Gicumbi, Akagari ka Mututu, Umurenge wa Kibirizi. Umudugudu wa Kamabuye, Akagari ka Katarara, Umurenge wa Ntyazo. Umudugudu wa Kandihe, Akagari ka Nyabinyenga, Umurenge wa Cyabakamyi. Akagari Ntangarugero kabaye aka Mututu mu murenge wa Kibirizi naho Umurenge Ntagarugero wabaye uwa Busasamana.

Ubutumwa bwatanzwe bwose bwibanze ku gushimira abateguye iki gikorwa, gusaba abayobozi gukemura  ibibazo by'abaturage,  gukumira amakimbirane n'ihohoterwa mu miryango n'ibyiza byo kwimakaza ubuhuza  mu gukemura ibibazo  imiryango ifite muri iki gihe. Inama yosojwe abanyamabanga Nshingwabikorwa.

Abayobozi barimo Guverineri w'Intara y'Amajyepfo n'Umuvunyi Mukuru bitabiriye iyi nama

Abayobozi bose biyemeje kwimakaza ihame ry'uburinganire no kurwanya ihohoterwa rishingiye ku gitsina

IInama yari yitabiriwe n'abayobozi guhera ku rwego rw'Umudugudu kugeza ku Karere

Abayobozi bahize abandi ndetse n'imidugudu itaragaragayemo icyaha barahembwe