Kuri uyu wa gatandatu tariki ya 04 Gicurasi 2019, mu Karere ka Nyanza, Umurenge wa Mukingo, Akagari ka Gatagara habereye igikorwa cyo kwibuka ku nshuro ya 25 jenoside yakorewe abatutsi mu Rwanda mu mwaka w'i 1994.

Iki gikorwa cyatangijwe n'urugendo rwavuye ku Murenge wa Mukingo rugana ku Rwibutwo rwa Gatagara; hakurikiyeho ibikorwa birimo umunota wo kwibuka, isengesho, gushyira indabo ku rwibutso no kunamira inzirakarengane ziharuhukiye.

Ubutumwa bwatanzwe bwibanze ku kwihanganisha abarokotse jenoside yakorewe abatutsi mu 1994, gusaba abakoze jenoside kuvugisha ukuri no kwishyura imitungo yangijwe muri jenoside yakorewe abatutsi mu 1994 no kwirinda ingengabitekerezo ya jenoside.

Umushyitsi Mukuru yari Nyakubahwa Minisitiri w'Ubuzima Dr Diane GASHUMBA. Hari kandi Hon Depite UWUMUREMYI Marie Claire, Hon Depite MUHONGAYIRE Christine, Umuyobozi w'Akarere ka Nyanza  NTAZINDA Erasme, Uhagarariye CNLG na IBUKA kurwego rw'igihugu ,inzego z’umutekano n’abaturage b’Umurenge wa Mukingo.