Kuri uyu wa gatanu tariki ya 3 Gicurasi 2019 mu cyumba cy'inama cy’Akarere hateraniye inama y'ihuriro ry'Ubumwe n'Ubwiyunge yari iyobowe n'Umuyobozi w'Akarere akaba n'Umuyobozi w'iryo huriro Bwana NTAZINDA Erasme.  Muri iyo nama kandi hari intumwa ya Komisiyo y’Igihugu y’ubumwe n'ubwiyunge UWIMANA Xavérine akaba na Komoseri ushinzwe Akarere ka Nyanza,

Ihuriro ryitabiriwe n’Umudepite mu nteko nshingamategeko Hon. UWUMUREMYI M.Claire,Umuyobozi w'Akarere wungirije ushinzwe imibereho myiza y'abaturage,Abagize ihuriro ry'Ubumwe n'Ubwiyunge mu byociro batandukanye,Abayobozi b'Amadini n'Amatorero ; Abanyamabanga Nshingwabikorwa b'Imirenge; Abayobozi b'Amashuri makuru akorera  mu Karere; Abayobozi b'inzego z'umutekano;n’Abakangurambaga b'Ubumwe n'Ubwiyunge mu Mirenge.

Hakaba haganiriwe ku bimaze kugerwaho mu ubumwe n'ubwiyunge mu Karere ndetse n'ibikorwa Akarere gateganya gukora

Muri iyo nama kandi hahawe umwanya Padiri mukuru wa Paruwasi Gatolika ya Nyamiyaga Abbee IRAGUHA Lambert asangiza ibitabiriye aho Paruwasi ayoboye igeze mu rugendo rw'isanamitima.  Hakaba hanatanzwe ubuhamya ku rugendo rw'ubumwe n'ubwiyunge hagati y'abakoze Jenoside ndetse n'abayikorewe bose bahuriye mu rugendo rw’isanamitima muri Paruwasi ya Nyamiyaga.

Nyuma y'ibiganiro, ubuhamya no kungurana ibitekerero hafashwe imyanzuro n'ingamba bigamije gukomeza guteza imbere Ubumwe n'ubwiyunge mu Karere.