Tariki 10 Werurwe, mu cyumba cy’inama cy'Akarere hateraniye inama isanzwe y'Inama Njyanama y'Akarere iyobowe na Perezida wayo Madamu Mukagatare Judithe.

Ku murongo w'ibyigwa hari ingingo zirimo kurahiza Umujyanama mushya uhagarariye abantu bafite ubumuga, gusoma no kwemeza inyandikomvugo y'inama yo ku wa 29 Ukuboza 2022, raporo y'ishyirwamubikorwa ry'imyanzuro y'inama iheruka, gusuzuma no kwemeza inama za Biro yaguye, kwemeza ingengo y'imari ivuguruye ya 2022-2023, raporo ya Komite y'ubugenzuzi y'Akarere, ibikorwa bya Komite Nyobozi mu mezi 6 ashize n'amabaruwa yandikiwe Njyanama.

Muri iyi nama, Visi Perezida w'Urukiko Rwisumbuye rwa Huye Mukiza Innocent ari kumwe n'Umwanditsi mukuru w'uru Rukiko, yakiriye indahiro y'umujyanama mushya w'Akarere ka Nyanza uhagarariye icyiciro cy'abantu bafite ubumuga Bwana Habimana Jean de Dieu kuko Mbonigaba Jean Claude wari uhagarariye iki cyiciro yasezeye ku mpamvu ze bwite.

Inama Njyanama y'Akarere ka Nyanza ikaba yaremeje ingengo y'imari ivuguruye y'umwaka wa 2022-2023 ingana na 28.975.641.139Frw. Ingengo y'imari ikaba yariyongereyeho 4.624.194.541Frw kuko iyari yatowe umwaka ugitangira yari 24.351.446.598Frw.

Visi Perezida w'Urukiko Rwisumbuye rwa Huye Mukiza Innocent n'Umwanditsi mukuru

Umujyanama asinya nyuma yo kurahira

Inama Njyanama yemeje ingengo y'imari ivuguruye ya 2022-2023

Biro y'Inama Njyanama y'Akarere ka Nyanza

Abajyanama batandukanye bari bitabiriye iyi nama